អំពីយើង

អារម្ភកថា

ឪពុកម្តាយតែងតែផ្តល់ក្តីស្រឡាញ់ចំពោះកូននិងទួលខុសត្រូវចំពោះអនាគតកូន។​ឪពុកម្តាយតែងតែចំណាយប្រាក់កាសជាច្រើនសំរាប់ការសិស្សាកូនៗ​ ក្នុងសង្គមមួយដែលទំនើបមនុស្សម្នាក់ៗដូចមានវេទមន្តអចឹង​ ដំណើរផ្លូវដែលសែនឆ្ងាយត្រូវចំណាយពេលមួយខែរបានដល់​​ អីឡូវ​ចំណាយ​ពេលមិនដល់៣ម៉ោងអាចទៅដល់ហើយ។ម្នាក់ៗមានត្រចៀកទិព្ធភ្នែកទិព្ធមាត់ទិព្ធអាចទាញ​ របស់​ មិត្តភាព និងគ្រួសារដែលនៅឆ្ងាយសែនឆ្ងាយមកជិតត្រឹមចុងច្រមុះតែបែរ ភ្លេចខ្លួនថាមានគ្រួសារដែលនៅមិនដល់ពីរម៉ែត្រពីខ្លួន មួយថ្ងៃជួបគ្នាមិនដល់បីម៉ោងផង របស់កាន់តែទំនើបជីវិតកាន់តែរវល់ពេលវេលាសំរាប់កូនៗកាន់តែតិច។ អ្នកខ្លះ(ដូចខ្ញុំជាដើមពេលនៅធ្វើការ) រស់នៅសឹងតែមិនបានមើលមុខកូនរាល់ថ្ងៃផង ព្រលឹមចេញព្រលប់ចូល មួយសប្តាយ៍អ្នកខ្លះបានសំរាកពីរថ្ងៃ ចំណែកអ្នកខ្លះទៀតបានសំរាកមួយថ្ងៃពេលបង្រៀនកូនក៏កាន់តែតិច។​ ទោះចង់មិនចង់ក៏ត្រូវរកតាមសង្គមមួយនេះដែល​ ដើម្បីសំរួលដល់ការលំបាករបស់ឪពុកម្តាយខ្ញុំបានបង្កើតគេហទំព័រនេះឡើងសំរាប់កុមារក្នុងការអភិវឌ្ឍចំណេះដឹង ដូចជា និយាយ​ ស្តាប់ អាន​ សរសេរ ឥរិយាបថ​ ការគណនា បរិស្ថាន ថែរក្សាសុខភាពនិងសុវត្ថិភាពផ្ទាល់ខ្លួន។​ ការអប់រំសិស្សាជាចំណែកមួយដែលអាចអោយទៅសង្គមជាតិ ពេញសន្តិភាព សេរីភាព​ ការគោរព និងយោគយល់។

សុភាសិតរបស់អាមេរិច​មួយ If you are not part of solution then you are the problem ជាសុភាសិតដែលខ្ញុំពេលចិត្ត សង្គមដែលមានបញ្ហាហើយម្នាក់ចេះតែបន្ទោសពិតជាមិនអាចជួយអ្វីបានទេ ប៉ុន្តែផ្ទុយទៅវិញម្នាក់ងាកមកជួយតាមជំនាញរៀងខ្លួនខ្ញុំជឿថាសង្គមនេះនិងប្រសើរ។

សង្ឈឹមចំណេះវិជ្ជានិងបទពិសោធន៍ដែលខ្ញុំមានបន្តិចបន្តួចនេះនិងជួយកុមារខ្មែរទាំងក្នុងនឹងក្រៅប្រទេសចេះអាននិងចេះសរសេរអក្សរខ្មែរ។ ហើយក៏សូមទោសបើសរសេរខុសឆ្គងដោយប្រការណាមួយ រីករាយទទួលការកែលំអរពីមិត្តទាំងអស់។

សូមអោយកុមារខ្មែរទទួលបានជោគជ័យនិងអនាគតដ៏ប្រសើរ និង ជាសសរទ្រទ្រង់ជាតិអោយរីកចំរើនគ្រប់វិស័យ។

ភ្នំពេញ​ ថ្ងៃ ៤កើត ខែជេស្ធ ឆ្នាំច សំរឹទ្ធិស័ក ពស ២៥៦២

ត្រូវថ្ងែសៅរ៍ ទី១៦ ខែមិថុនា ឆ្នាំ២០១៨

ម្ចាស់គេហទំព័រសាលាបថម